AGENCY FOR PROMOTION AND SUPPORT OF TOURISM

News

Country

Currency

	61.5088
	46.7925
	50.9558

Weather

	Skopje	0 °
	Ohrid	-2 °
	Bitola	-2 °

Macedonian tourism

Press release во Стокхолм

На 14 декември 2011 година во Grand Hotel во Стокхолм, Шведска во организација на амбасадорот г-дин Кире Илиески и економскиот промотор Катерина Оровчанец од Инвест Македонија се одржа промоција на Македонија како туристичка дестинација. Агенцијата за промоција и подршка на туризмот на Република Македонија (АППТ)

ги презентираше туристичките потенцијали на Македонија пред шведски тур оператори со потенцијален интерес за носење на туристички групи во нашата земја. На настанот земаа учество и се преставија и неколку туристички компании од Македонија. Според амбасадорот Кире Илиески, важно е дека најдобрите тур оператори беа присутни и дека во период на божиќни празници одвоиа време да присуствуваат на овој работен доручек и да разменат мислења и информации за ставање на Македонија на туристичката мапа за Шведските туристи но и пошироко за Скандинавија. Саше Дончевски сопственик и директор на ТА Атлантис изјави: “Задоволни сме од средбата и остварените контакти со релевантни фирми од Шведскиот туристички сектор. Интересот беше задоволителен добар и очекуваме дека ќе се реализираат одредени проекти. Ваквите средби се убава можност за остварување на идни плодни деловни соработки.” Емилија Пајковска сопственик и директор на ГоМацедониа нагалси “Се запознавме со три фирми кои работат во областа на активен туризам, област што е наш фокус како фирма. Тие се заинтересираа Македонија да ја стават во нивната понуда и очекуваме овие контакти да ги претвориме во реален бизнис и да донесеме туристи од Шведска” Дончо Таневски, претседател на ХОТАМ изјави” Благодарни сме на амбасадорот Кире Илиески и на нашиот промотор Катерина Оровчанец кои оваа година покрај финскиот туроператор Ауринкоматкат кој веќе оперира во Македонија да организираат една работна средба со десетина релевантни тур оператори од Шведска. Презентацијата на Република Македонија како туристичка дестинација направена од Јордан Трајков беше добар вовед во запознавањето на Шведските партнери со Македонија како туристичка дестинација нејзините потенцијали и можности која остави добар впечаток на присутните. Шведските тур оператори беа запознати и со субвенциите кои Република Македонија ги дава за организирање на летови. Од наша страна побарано беше истите да се поканат на ФАМ патување во Македонија и истиот да биде партнерски поддржан од АППТ и здруженијата и асоцијациите, по кое патување ќе можеме да увидиме дали ќе има и колкава ќе биде соработката со Шведска.” Лела Крстевска Претседател на Стопанска Комора за Туризам и Генерален Директор на Радика Ресорт смета дека “ Како ретко досега Македонија беше презентирана достојно и професионално. Македонија богато ги презентираше своите туристички потенцијали преку битни чинители на туристичкото стопанство тур оператори и хотелиери. Почетокот ги надмина очекувањата и работниот појадок помина во хармонично бизнис преговарање кое што веруваме дека во најскоро време ќе резултира во конкретни резултати.” Горки Балојани сопственик и директор на ТА Балојани Турстички Сервс Битола изјави “Сметам дека иницијативата да се отвори Шведскиот и со тоа и Скандинавскиот пазар е наместо и Македонија беше презентирана на високо и професионално ниво со сите аспекти и ресурси кои ги нуди. Интересот од страна на шведските тур оператори беше поголем од моите очекувања. Од директните контакти со нив охрабрува фактот што профилот на шведскиот турист е адекватен на она што ние можеме да го понудиме во областа на културното богатство, но и природните убавини и тоа е основен предуслов за почеток на идна соработка. “ Асим Меѓедовиќ, Извршен Менаџер на Фибула Аир Травел изјави “ова беше одлична можност за сериозна средба со Шведските и Скандинавските тур/ оператори каде што разменивме мислења за отворање на Mакедонија како нова туристичка дестинација во нивната понуда. Со покана до шведските колеги да дојдат и да ја посетат Македонија каде што ќе имаат можност да се запознаат со убавините на нашата земја, очекуваме да дојде до меѓусебна соработка.” Јордан Трајков, директорот на Агенцијата за промоција и поддршка на туризмот изјави: “Денеска имавме успешна промоција и се надевам понатаму дека приватниот сектор ќе ја претвори оваа инцијатива во конкретен бизнис. Радосен сум што направив одличен контакт со претставниците на Шведската Федерација на туристичката индустрија кои понудија интересни можности за помош во однос на развојот на туризмот во Макеоднија. Очекувам во наредниот период да развиеме интересна и плодна соработка со оваа федерација. ”

♦♦♦ ГАЛЕРИЈА ♦♦♦

Press release во Амстердам

На 12 декември 2011 година во Светскиот трговски центар во Амстердам, Холандија во организација на амбасадорот г-дин Никола Димитров се одржа промоција на Македонија како туристичка дестинација, но и промоција на македонски вина. Агенцијата за промоција и поддршка на

туризмот на Република Македонија (АППТ) ги презентираше туристичките потенцијали на Македонија пред повеќе од триесет холандски тур оператори кои веќе ја нудат Македонија како туристичка дестинација, но и пред тур оператори со потенцијален интерес за носење на туристички групи во нашата земја. Јордан Трајков, директор на АППТ изјави: “Холандија е еден од нашите главни целни пазари. До 2010 година пазарот со Холандија во голема мера го одржуваше Каратанова турс, со целиот свој ентузијазам и вложувања во чартерскиот превоз. Од 2010, со пуштањето на програмата за субвенции, привлечени се и други туроператори и оваа година веќе ќе имаме 2 компании кои поставуваат чартер летови кон Македонија. Една од нив поставува и чартер летови од Белгија. Би сакал да потцртам дека успеавме да разбудиме интерес и за зимскиот туризам во Македонија, нешто што може навистина да претставува голем пробив напред. Генерално, одличен развој на Холандскиот пазар кој АППТ ќе го поддржи преку вложување во натамошни промотивни активности. Денеска имавме успешна промоција која е дел од таа поддршка што ја правиме на овој пазар.” Според амбасадорот Никола Димитров, “ако оваа година започна масовно враќање на холандските туристи во Македонија, идната сезона имаме реални шанси за дополнително зголемување на посетеноста и проширување на понудата.” Настанот беше поддржан од холандската владина агенција Holland Gateway.

♦♦♦ ГАЛЕРИЈА ♦♦♦

Амбасадорот Кире Илиоски патрон на Травел шоу во Финска

Како континуитет на активностите на Владата на РМ за промоција на туристичките потенцијали на Република Македонија во Хелсинки ,Финска се одржа Травел шоу на кое за првпат беше презентирана Република Македонија како атрактивна туристичка дестинација.

Во изминатиот месец вакви презентации се одржаа низ повеќе градови ширум Финска а синоќешната презентација во Александар Театар во Хелсинки претставуваше финале на кое присуствуваа голем број на гости и претставници од финските медиуми. Амбасадорот Кире Илиоски им се заблагодари на најголемиот фински тур оператор Ауринкоматкат и на авио компанијата Финаир за успешно реализираните десет чартер летови во текот на 2011 година после кои се зголеми интересот за Република Македонија како атрактивна туристичка дестинација. Истотака изрази задоволство за позитивните впечатоци од посетата на Република Македонија во текот на Мај 2011 година на тимот на Ридман Продуктион кои направија серија на фотографии и видео записи на кои беа претставени туристичките потенцијали и културното наследство кои беа дел од презентацијата. Посебен впечаток кај присутните оставија видео записите од Охрид, Битола, Прилеп, Тиквешијата и Скопје со звукот на "Јовано Јованке", Битола Мој роден крај" и музиката на Мизар. Претставниците на Агенцијата за промоција и подршка на туризмот кои присуствуваа на презентацијата остварија работна средба со претставниците на Ауринкоматкат и договорија маркетинг стратегија која вклучува и учество на саемот за туризам МАТКА во Финска а со цел привлекување на повеќе туристи од Финска за следната сезона. По успешното претставувањето на РМ на кое присуствуваше и заменик претседателот на владата на РМ за евроинтеграции г-ѓа Теута Арифи се одржа и коктел организиран со Македонските иселеници и претставниците на дипломатскиот кор во Финска.

Македонските туристички потенцијали промовирани во престижниот шпански весник ЕЛ МУНДО

Во периодот од 14- 19 Октомври 2011година, во организација на Агенцијата за промоција на туризмот и економскиот промотор во Шпанија, за првпат Република Македонија ја посети шпански новинар, г-дин Javier Mazurra, кој пишува за престижниот весник ЕЛ МУНДО со тираж од 420 000 примероци.

кое преку своите написи континуирано ке ги запознава читателите за неоткриените туристички потенцијали на Македонија за шпанскиот пазар. Шпанскиот новинар за време на неговиот престој во Македонија преку посета на голем број туристички места во нашата земја , имаше одлична можност,одблиску да се запознае со природните убвини на Македонија, со туристички потенцијал , со гостопримството на Македонците, со богатата историја,со културното наследство, со извонредниот фолкор, со прекрасните народни носии,со уникатниот мелос. Шпанскиот новинар, ја напушти Македонија презадоволен од она што го виде и доживеа во Македонија.

♦♦♦ ГАЛЕРИЈА ♦♦♦

Престојот на патувачкото шоу од Англија ,,COACH TRIP'' во Македонија

Во периодот од Агенцијата за промоција и поддршка на туризмот, во Македонија престојуваше 21.09 до 23.09.2011, во организација на Патувачкото шоу од Англија ,,COACH TRIP''. Екипата на шоуто ,,COACH TRIP'', во текот на 3-дневниот престој во Македонија, имаше можност да сними повеке фото сесии, на повеке атрактивни локации, воглавно на подрачјето на Кавадарци и Скопје.

Учесниците во шоуто беа воодушевени од природните убавини на Македонија, Македонскиот фолкор, од традицијата, од вкусната Македонска кујна. Исто така, им беше овозможено и самите да учествуваат во традиционална подготовка на вино, во Винаријата Тиквеш, што од своја страна претставуваше вистинско доживување за нив, потоа заиграа Македонско оро, облечени во традиционални фолклорни носии... Фото сесиите што се случија во Македонија, ке бидат емитувани на CHANEL4, во Англија, под името MACEDONIA'' во месец Јануари 2012 година. Со оглед на тоа дека Шоуто има голема гледаност во Англија, неговото емитување, истовремено ке значи Македонија како потенцијална туристичка дестинација во Англија. од љубезноста на домакините, од богатството на ,,COACH TRIP промоција

♦♦♦ ГАЛЕРИЈА ♦♦♦

Престојот на патувачкото шоу од Англија ,,COACH TRIP'' во Македонија

Македонија претставена на Саемот за кампинг-туризам во Дизледорф

На заеднички штанд со Црна Гора, Србија, Босна и Херцеговина и Албанија, Агенцијата за промоција и поддршка на туризмот за прв пат ги презентираше македонските потенцијали во кампинг туризмот на Саемот за кампинг туризам што се одржува од 02-04 септември во Дизелдорф, Германија.

Оваа презентација на регионот е реализирана со поддршка на ГИЗ - Германската влада, и има за цел презентација на регионот како атрактивна дестинација за кампинг туризам пред Германските туристи. Исто така се изработи заедничка брошура за камповите која се дистрибуира до потенцијалните туристи. На Саемот се дискутираше и за Европските кампинг стандарди кои треба да се имплементираат, формирање на Асоцијација на кампови и нивно зачленување во Европската асоцијација на кампови со што ќе се отвори можноста се поголем број на туристи да го посетат регионот и секако нашата земја.

♦♦♦ ГАЛЕРИЈА ♦♦♦

Влијателни туроператори и новинари од Република Полска во посета на Република Македонија

Од 21 до 26 Јуни на покана на Агенцијата за промоција и подршка на туризмот во соработка со нашиот економски промотор во Полска, во Република Македонија престојуваше група на влијателни туроператори од Полска предводени од Г-н.Јан Солзак – претседател на Туристичката комора на Полска.

Посетата е резултат на нашата успешна промоција што ја имавме во Варшава пред туроператорите на крајот на месец Април оваа година што предизвика интерес кај нив да ја посетат нашата земја. Во неколкудневната агенда тие ги посетија регионите на Тиквешијата – Винскиот пат, Скопје,Битола,Охридско-струшкиот регион од што не го кријеа задоволството од тоа што го видоа. Воедно со групата престојуваа и новинари од националната телевизија од Полска при што снимаа репортажа за убавините на нашата земја која ќе се прикажува во неколку продолженија на најгледаната емисија ‘кафе или чај’. Се на се оваа посета ќе допринесе Македонија како дестинација да се најде во повеќе каталози на туроператорите за следната година со што ќе се зголеми бројот на туристи од Полска.

♦♦♦ ГАЛЕРИЈА ♦♦♦

Фински новинари ја посетија Р. Македонија

Во периодот од 16- 21 Мај 2011година, во организација на АППТРМ, Македонија ја посетија група Фински новинари,кои имаа за задача да подготват Репортажа за Македонија,која ке се емитува на најгледаните Фински медиуми. Групата ја сочинуваа следните членови

1. Г-ѓа Сирпа Ридман- водач на групата и водители уредник на познатото Сирпа-шоу 2. Г-ѓа Марија Шулгин-новинар 3. Г-дин Аврил Стирман- фотограф 4. Г-дин Петри Виртанен – видеокамерман Групата Фински новинари за времена нивниот престој во Македонија,имаа одлична можност,одблиску да се запознаат со убвините на Македонија, со огромниот туристичкипотенцијалкој го има Македонија, со гостопримството на Македонците, со менталитетот на Македонија, со богатата историја,со културното наследство, со извонредниот фолкор, сопрекрасните народни носии,со уникатниот мелос, со еден збор со богата ризница на убавини,која ја нуди Македонија. За време на нивниот престој Финските новинари го посетија Охрид со сите свои убавини, кејот, чаршијата, Стариот дел на градот, Св.Наум, Националниот парк Галичица, Етно село- Брајчино-Ресенско, Елшани, Лубаништа, Вевчани, Струга, Прилеп, Кавадарци, Винаријата Тиквеш, Битола, Широк сокак, Градскиот саат, Плоштадот и многу други места. Тие беа воодушевени од она што го видоа во Македонија, подготвија огромен материјал за Репортажа, од типот на фоторафии,видео записи, интервјуа и сл. Тие се убедени дека нивната Репортажа ке привлече многу Фински туристи во Македонија, која особено е атрактивна поради близината и големиот туристички потенцијал што го нуди. Групата на Фински новинари, ја напушти Македонија презадоволна од она што го виде и доживеа во Македонија, од она што го забележа како документиран материјал од Македонија, со желба што поскоро повторно да ја посети Македонија.

♦♦♦ ГАЛЕРИЈА ♦♦♦

Информација за одржаниот туристички форум во Измир,Р.Турција од 11-14 мај

Во организација на амабасадата на Р.Македонија во Р.Турција, економскиот промотор во Измир и Агенцијата за промоција на туризмот од 11-14 мај во Измир за првпат се организираше Форум за туризам.

Целта на форумот беше преку непосредни средби но и видео презентации на туристичките места пред турските партнери да се воспостави постесна соработка меѓу туристички агенции од двете земји посебно регионот на Измир со цел зголемуванје бројот на туристи од Република Турција во Р.Македонија. Домаќин на форумот беше градоначалникот на општина Конак и нашата заедница на иселеници во Измир, Р. Турција. На форумот од страна на Р.Македонија присуствуваа амбасадорот на Р.Македонија во Р.Турција, преставници и градоначалници од повеќе општини од Р.Македонија, туристички агенциии од Македонија, Претседателот на АТАМ, државниот советник за туризам во Министерството за економија и директорот на Агенцијата за промоција на туризмот. На форумот Претседателот на АТАМ со Претседателот на ТУРСАБ за Измир се договорија да се воспостави поблиска соработка меѓу туроператорите на двете земји, да се покрене можноста да се воспостави директна авионска линија или чартер меѓу Измир и Охрид , како и Законот за туристички агенции кои функционира во Турција да се имаплементира во Македонија бидејќи Турција е позитивен пример за развој на туризмот во светски рамки.

♦♦♦ ГАЛЕРИЈА ♦♦♦

Туроператори од Индија во посета на Македонија

Од 26 до 30 април на покана на Агенцијата за промоција на туризмот на Р.Македонија присуствуваа значајни туроператори од Индија со цел запознавање со туристичките потенцијали на нашата земја. Во неколкудневната посета на нашата земја имаа можност да се запознаат со туристичките вредности на Скопје,

Охридското езеро и казино туризмот во Гевгелија. Од нивна страна беше истакнато дека она што го виделе во нашата земја е одлична можност голем број на туристи од Индија да ја посетат Македонија за што се договори акционен план за надминување на пречките околу тоа. Туроператорите од Индија најавија дека следната година Македонија како туристичка дестинација ќе ја стават во своите програми и воедно ќе ја промовираат на нивните туристички сајтови.

Македонија промовирана на Саемот за туризам во Косово

Агенцијата за промоција и поддршка на туризмот туристичките потенцијали на Македонија ги презентираше на Саемот за туризам што се одржа од 06-08 Април 2011 година во Приштина. На брендираниот Macedonia Timeless штанд, на потенцијалните туристи им беа презентирани туристичките потенцијали на Македонија.

Штандот го посетија голем број заинтересирани туристички работници и потенцијални туристи и беа остварени средби со повеќе туроператори и новинари од Косово. Од разговорите со истите, беше истакнат се поголемиот интерес на косовските туристи за посета на Охридско-Струшкото крајбрежје, особено за викенд аранжмани. Воедно штандот го посети и Амбасадорот на Република Македонија во Косово, г-н.Стојан Карајанов, кој изрази задоволство за начинот на презентација.

♦♦♦ ГАЛЕРИЈА ♦♦♦

Македонските турстички потенцијали презентирани во Букурешт и во Варшава

Агенцјата за промоција и подршка на туризмот во соработка со нашата амбасада во Букурешт ги презентираше Македонските туристичи потенцијали од 29 - 31 март. Пред присутните туроператори директорот преку видеопрезентација ги престави туристичките потенцијали. Воедно на штандот што го обезбеди амбасадата на Р.Македонија во Романија се дистрибуираа промотивни материјали до потенцијалните туристи.

промотивни материјали до потенцијалните туристи. Исто така се реализираа интервјуа за националната телевизија на Романија каде се повикаа туристите да ја откријат Македонија. Во непосредните контакти со позначајните туроператори се договори група на туроператори со новинари во најбрзо време да ја посетат Македонија со цел на лице место да се запознаат со туристичките потенцијали на нашата земја. Агенцијата за промоција на туризмот во соработка со нашиот економски промотор во Варшава, Полска ги презентираше македонските туристички потенцијали пред туроператорите.
Презентацијата се одржа на 01 април во конгресната сала на Саемот за време на одржување на Саемот за туризам во Варшава кој се одржуваше од 01-03 април. На презентацијата која беше во соработка со Турстичката комора на Полска учествуваа над 20 туроператори меѓу кои Алматур,Триада,Беатур,Оасис и др.После тоа пред нив е организираше дегустација на македонското вино донација на Попова кула. Се договоривме од 10-15 јуни 7 туроператори и 3 новинари да ја посетат Македонија, непосредно да се запознаат со туристичките потенцијали и да разговараат со хотелиерите и туристичките агенции.
Како што истакна Претседателот на Туристичката коора на Полска ова е прв но значаен чекор кон откривањето на Македонија за Полскиот пазар.

♦♦♦ ГАЛЕРИЈА ♦♦♦

Македонските туристички потенцијали се презентираа на Меѓународниот Саем за туризам во Берлин од 09-13 март

Македонските туристички потенцијали се презентираа на најголемиот Саем за туризам во светот што се одржа во Берлин од 09-13 март 2011. На брендираниот штанд пред потенцијалните туристи се презентираше македонската архитектура,традиционалната облека, културниот и езерскиот туризам.

Директорот на Агенцијата и Државниот советникот во М.Е. остварија средби со голем број на туроператори и новинари од Германија кои ги повикаa да ја посетат Македонија за да се запознаат непосредно со туристичките потенцијали на земјата. На штандот учествуваа голем број на македонски туристички работници кои остварија непосредни средби со туроператори од Германија.Во презентацијата директно се вклучи и ТАВ Македонија кои со свој пулт учествуваа на штандот на Македонија. На 12 март на нашиот штанд беше организиран Хаппѕ Хоур каде посетителите можеа да дегустираат традиционална македонска храна,македонско вино а се слушаше и македонска музика.

♦♦♦ ГАЛЕРИЈА ♦♦♦

Постари вести