logo

Агенција за промоција и поддршка на туризмот

 


Меѓународен саем за туризам – Скопје Травел маркет 2015.

 Од 7ми до 10ти Мај во Скопје се оддржува 5-от по ред Меѓународен саем за туризам – Скопје Травел маркет 2015.

На манифестацијата својот потенцијал ќе го претстават бројни туристички агенции, хотели и тур-оператори од Македонија и светот.

Агенцијата за промоција и поддршка на туризмот(АППТ) ќе го поддржи Скопје  Травел Маркет каде воедно ќе се претстави на простор од 65м2 и ќе го презентира македонскиот туристички потенцијал со цел зголемување на внатрешниот туризам.

“Во насока на подобрување на туристичката понуда односно приширување на туристичката понуда и подобрување на условите на туризмот во Република Македонија, голем број на проекти се веќе во фаза на реализација. Со цел подобрување на внатрешниот туризам ќе го поддржиме и Скопје Травел Маркет и оваа година каде АППТ ќе учествуваме со сопствен штанд на кој свое претставување ќе имаат и туристичкото стопанство, универзитетите и претставници на општините.” – изјави Директорот на АППТ, г-дин Кристијан Џамбазовски.

Според Џамбазовски, туризмот е еден од приоритетните економски сектори на Владата на Република Македонија .

 “Туризмот бележи многу интензивен развој. Бележиме можеби еден од највисокиот пораст во туризмот во Европа. За почетните 2 месеци од оваа година имаме раст од 25% на странски посетители што е доказ дека заложбите на Владата, активностите што ги презема АППТ и промотивната кампања го даваат својот резултат. Очекуваме дека и во следниот период овој тренд ќе продолжи ” – додаде Директорот Џамбазовски.

Покрај активностите во делот на промоцијата на Република Македонија во странство, АППТ го поддржува туризмот и со бројни проекти. 

 

 

 

 

“ Една од основите задачи на Агенцијта е поддршка и изработка на проекти во областа на туризмот  а за 2015та година се предвидени неколку позначајни проекти меѓу кои и мапирање,   означување и изработка на промотивен материјал за планинарските и пешачки патеки, потоа проектот за велосипедските патеки, изработка на промотивен материјал, мапирање и обележување на манастирскиот туризам. Како доста интересна може да ја издвојам историската за нас, патеката - Виа Игнација која може да биде пешачка и велосипедска патека. Работиме и на поддршка на параглајдингот како спорт преку одбележување на полетиштата и слетиштата, но и ја организираме меѓународната конференција за активен туризам што ќе се случи во Охрид во 2016. Воедно, продолжува и поддршката за автокамповите и промоцијата на туристичките развојни зони.” – изјави г-дин Зоран Николовски, раководител на сектор поддршка во АППТ.

Во насока на оддржување на континуитет во релацијата со стопанството, АППТ воведе отворени денови за туризмот, а одреден број на проекти како одбележување и мапирање на планинарски и велосипедски патеки, ЗИП линијата и слетиштата за параглајдингот  се во својата завршна фаза. 

Назад 

Креиран од irenat на 06.05.2015