logo

Агенција за промоција и поддршка на туризмот

 


Македонија атртактивна и неоткирена за италијанскиот туристички пазар

 

Македонија атртактивна и неоткирена за италијанскиот туристички пазар

 

 

 

Алтернативните форми на туризам претставени на интернационалната туристичка и бизнис ориентирана манифестација „TTG-Incontri“, која од 12ти до 14ти октомври се одржува во Римини, Италија.

 

 

Агенцијата за промоција и поддршка на туризмот (АППТ) на Република Македонија во соработка со приватниот сектор четврта година по ред учествуваат на овој B2B саем за туризам. Туристичкиот сектор од Македонија детектираше значаен интерес кај италијанските бизнис субјекти, претставувајќи ја земјава како привлечна и потенцијална дестинација која нуди можности за соработка и вмрежување на туристичките фактори меѓу овие две земји.

 

 

Учеството на Република Македонија на саемот за туризам во Римини, Италија претставува значаен придонес за туризмот и зголемувањето на бројот на туристи од италијанскиот туристички пазар. Во предвид треба да се земе и одличната поврзаност на Македонија со Италија, односно трите директни линии од Скопје до Рим, Венеција и Милано со нискобуџетната авиокомпанија Wizz Air. Ова е одлична можност главниот град да прерасне во “City break“ дестинација и приватниот сектор да се ориентира кон организација на специјализирани неколкудневни екскурзии низ нашата земја, согласно барањата и интересите на италијанските туристи, како би ги искусиле убавините на Македонија.

 

 

Претставници од АППТ беа дел од најпосетените настани, конференции и семинари, кои се одличен начин за запознавање со новите трендови, практики и потреби како на туристите така и на дестинациите. Присуството на пригодниот доручек организиран по повод Свеченото отварање на саемот е место каде претставниците од АППТ имаа прилика да разменуваат искуства и да се запознаваат со расатечките дестинации преку директна комуникација со туристчките бордови од земјите од светот. Беа остварени средби со повеќе од 20 туристички блогери кои се многу значајни за пазарите во развој, изнесувајќи го уникатното и највредното од земјата, со што влијаат на изборот на дестинација кај италијанските туристи.  Истите беа поканети да го искусат и доживеат автентичното и локалното од Македонија, преку организација на информативни патувања низ земјава.

 

 

Претставниците од приватниот секор, односно туристичките агенции Бохемија, ГоБалканс и Мацедонија Холидејс преку прилагодена туристичка понуда ги презентираа туристичките капацитети кои ги има Македонија. Истата е насочена кон недопрената природа, богата култура, можностите за специјализирани, алтернативни форми на туризмот, а се во интерес на италијанскиот пазар.

 

 

На 54то издание на „TTG-Incontri“ својата туристичка програма ја претставуваат над 130 туристички дестинации и над 1000 туроператори, кои привлекуваат околу 52.000 посетители. За големината на саемот придонесува и учеството од над 69.207 професионалци од областа на туризмот, 700 новинари, 300 блогери, се одржуваат тренинг конференции и семинари, учествуваат голем број истражувачки институти, авиокомпании, национални и природни паркови, хотелски брендови, компании за промоција и маркетинг и останати професионалци од туристичката индустрија.

 

 

Ова саемско претставување е дел од промотивните активности на македонските туристички потенцијали на светскиот туристички пазар. Истите се значаен придонес како за туризмот, така и за создавањето и одржувањето на локални продукти многу повредни за локалната економија, а се во организација на Агенцијата за промоција и поддршка на туризмот (АППТ) на Република Македонија.

Назад 

Креиран од Mevludin.S на 18.10.2017