logo

Агенција за промоција и поддршка на туризмот

 


Средба на директорот на АППТ, Љупчо Јаневски со иранскиот амбасадор во РМ, Хосеин Карими

ТУРИЗМОТ ДАВА ШАНСА ЗА ЗБЛИЖУВАЊЕ НА НАРОДИТЕ

 

 

На денешната средба меѓу директорот на #АППТРМ, Љупчо Јаневски и амбасадорот на Исламската Република Иран во Република Македонија, Хосеин Карими, се разговараше за можностите за развивање на соработката во областа на туризмот меѓу Република Македонија и Иран. Обострано е констатирано дека двете страни се заинтересирани и отворени за предлози за подобрување на ваквата соработка за таа да биде успешна и да претставува мост за зближување на двата народа и двете земји.

 

 

Во разговорот, амбасадорот Карими изрази жалење дека односите во туристичкиот сектор не се доволно развиени и потсети на фактот дека македонскиот министер за надворешни работи бил во посета на Техеран во 2016 година, придружуван од претставници на тур-оператори, токму за разгледување на можностите за унапредување на соработката. Тој подвлече дека околу три милиони Иранци годишно патуваат во странство. „Повеќето од нив, околу два милиона, патуваат во Турција, но доколку имаат повеќе информации за Македонија, тие може за еден час со авион да патуваат од Истанбул до Скопје или Охрид и во Македонија да престојуваат како туристи неколку дена“ – нагласи иранскиот амбасадор. Тој, истовремено, предложи и воспоставување директни контакти меѓу првите луѓе на Агенциите за туризам на двете земји, кои ќе дадат конкретни предлози за соработка, што би било и почетна иницијатива за развој на односите во областа на туризмот.


 

Директорот на АППТ, Јаневски изрази интерес за остварување првични контакти на ниво на Агенциите на двете земји на некој од позначајните туристички саеми, како што е тоа, на пример, претстојниот саем во Лондон, при што би се размениле информации од оваа област и би се разговарало за воспоставување натамошна соработка. Јаневски нагласи дека за оваа средба и за оваа идеја писмено ќе ги извести туристичките стопански комори и тур-операторите, за да може да се организира посета на нивни колеги, како и претставници на ирански туристички компании, агенции, хотелиери и новинари, за да им се покажат туристичките дестинации и природните убавини во Република Македонија.

Назад 

Креиран од Mevludin.S на 05.04.2018