logo

Агенција за промоција и поддршка на туризмот

 


Интензивирање на соработката помеѓу АППТ на РМ и Агенцијата за иселеништво

Интензивирање на соработката помеѓу Агенцијата за промоција и поддршка на туризмот на Република Македонија и Агенцијата за иселеништво

 

 

 

Директорот на Агенцијата за промоција и поддршка на туризмот на Република Македонија, г-дин Љупчо Јаневски и г-дин Никола Шалваринов, директор на Агенцијата за иселеништво, потпишаа Меморандум за соработка со кој ја потврдија желбата за проактивен пристап на двете институции на полето на туризмот.


Меморандумот за соработка потпишан од двете институции значи интензивирање на соработката, но и збогатување на промоцијата на земјата преку проекти кои се во интерес на иселениците од Македонија.



Инволвираноста на Агенцијата за промоција и поддршка на туризмот на Република Македонија е во насока на зголемување на информираноста за туризмот пред иселениците за време на нивниот престој, како и пред нивното доаѓање во Република Македонија. Промоцијата на туристичките потенцијали ќе се реализира пред иселениците, во средините во коишто живеат, но и целокупно нивно поголемо инволвирање во развојот на туризмот на Република Македонија.

 


Соработка на овие две инситутции ќе има и при одржување на средби во организација на иселенички организации или културни манифестации, креирање на заеднички проекти, промоции и настани на иселеници и иселенички организации. Агенцијата за промоција и поддршка на туризмот на Република Македонија ќе биде значаен елемент и во Стретегијата за иселеници, со цел забрзување на развојот и туристичката индустрија на Македонија.


Меморандумот за соработка означува почеток на зголемувањето на бројот на посети од иселениците и нивни препораки за посета на Македонија од други потенцијални туристи ширум светот.

Назад 

Креиран од Mevludin.S на 20.07.2018