logo

Агенција за промоција и поддршка на туризмот

 


„Културен туризам Велико Трново„

 

 

Македонија учесник на меѓународен  туристички саем  -  „Културен туризам  Велико Трново„ и фестивал на  туристички филм  „On the East Coast of Europe”

             

 


 

Во Велико Трново, Република  Бугарија од  1- 4ти  април, 2015  се  одржа  меѓународен саем за културен туризам и XI меѓународен  фестивал на туристички филм во Бугарија „On the East Coast of Europe“. Учество имаше и Република Македонија со свои претставници од Агенцијата за промоција и подршка на туризмот кои предложија и претставија четири промотивни туристички филмови.

Од Македонија во конкуренција беа два кратки филма од серијалот  „Истражи ја Македонија„  за  Берово  и Скопје, како и филмовите „Македонска  храна„  и „Охрид  градот на светлината„.                                                                                                           

 

 

 

Со свој штанд  на саемот  за  „културен туризам Велико Трново“ градот  Охрид  учествуваше  со свои претставници од  општината.  Интересот  на  бугарските туристи за  Охрид  како туристичка дестинација и за целата Република е се поголем  што  се  заклучи од  интересот  на  официјалните  лица од туристичкиот сектор и од непосредните контакти од посетителите на саемот.

 

 

 

 

На XI меѓународен  фестивал на туристички филм во Бугарија „On the East Coast of Europe“ беа претставени туристички филмови од 23 земји и селектирани 90 кратки туристички филмови во неколку конкуренции, а наградата  Гранд при на филмскиот фестивал  ја доби филмот „Екотуризам - Бразил„.

Меѓународниот фестивал на туристички филм во Бугарија „On the East Coast of Europe“ е фестивал за промотивни видеа и презентирање на туристичките дестинации од целиот свет. Предмет на видеата се сите видови туризам: конгресен, спортски, рурален, религиозен, рекреативен и бањски туризам, културни и историски туризам, ловен туризам, екстремен туризам, планинарење и морски туризам, екотуризам и тн.

Назад 

Креиран од irenat на 07.04.2015