Македонските туристички потенцијали презентирани на саем за туризам во Белград, Србија
Агенцијата за промоција и поддршка на туризмот во соработка со Општина
Охрид и Винаријата Тиквеш ги промовираа туристичките потенцијали на
Македонија,традиционалната храна и вино пред потенцијалните туристи од
Р.Србија на Меѓународниот саем за туризам во Белград, кој се оддржа во период
од 24-27 Февруари..
На брендираниот штанд Macedonia timeless беа промовирани културните и
природните атрактивности на земјата, различни дестинации од Македонија како
Охрид,Струга,Дојран, Маврово,Крушево и др. пред потенцијалните туристи од
Србија. На пултот на Општина Охрид беше промовиран познатиот Охридски бисер
кој предизвика огромно внимание кај посетителите.
Вториот ден од саемот на нашиот штанд беше организиран Happy Ηour каде на
штандот се запеа македонска песна, се проба традиционална македонска храна,
дегустација на македонско вино Тиквеш, воедно беше организирана и наградна
игра за посетителите со доделување на различни награди од повеќе хотели.
Директорот на Агенцијата за промоција на туризмот реализираше повеќе интервјуа
за електронски и печатени медиуми од Србија при што ги повика туристите од
Р.Србија оваа година Македонија да биде нивна туристичка дестинација.
На саемот учевство зедоа повеќе хотелиери и туристички агенции од Македонија
кои остварија средби со своите колеги од Р.Србија..
Заедничка констатација е дека се повеќе туристи ќе ја посетуваат Македонија оваа
година.
Македонскиот штанд го посети и нашиот амбасадор во Србија Г-н.Љубиша
Георгиески кој изрази задоволство од нашето презентирање.
Промоцијата на Македонските туристички потенцијали на саемот беше подржана
и од Амбасадата на Република Македонија во Србија.
Туристичките потенцијали презентирани во Истанбул, Р.Турција
Агенцијата за промоција на туризмот македонските туристички потенцијали ги резентираше на брендиран штанд Macedonia timeless во Истанбул, Турција. Промоцијата беше организирана во соработка на општина Охрид, Националниот парк Маврово и Т.А.Генералтурист кои ги дистрибуираа своите промотивни материјали на потенцијалните туристи.
Директорот оствари средва со повеќе туроператори од Турција кои изразија задоволство што се поголем број на туристи од Р.Турција ја посетуваат Македонија. Штандот го посети и нашиот амбасадор во Турција Горан Тасковски и генералниот конзул во Истанбул кои изразија задоволство околу нашето презентирање. На Саемот беа присутни околу 20 туристички агенции и хотелиери од Македонија кои остврарија контакти со свои партнери од Турција. Заедничка констатација е дека се повеќе туристи ќе ја посетуваат Македонија оваа година.
Македонските туристички потенцијали се презентираа на Саемот во Тел Авив - Израел
Агенцијата за промоција на туризмот ги презентираше македонските туристички потенцијали на меѓународниот саем за туризам во Тел Авив - Израел што се одржа на 08 и 09 февруари.
На брендираниот штанд Macedonia timeless се презентираа различни туристички производи од Македонија а за првпат се промовираше и Националниот парк Маврово. Претставниците на Н.П. Маврово
ги делеа своите промотивни материјали на потенцијалните туристи и непосредни ги запознаваа со туристичките потенцијали на паркот.
Се презентираа и програмите на повеќе Израелски туроператори кои ја продаваат Македонија. На состаноците со повеќе туроператори од Израел директорот на Агенцијата ги запозна со упатството за субвенционирање на странски туристички промет но и за мерките кои се преземаат од аспект на промоцијата. Како што информираа израелските туроператори прават напори да се возобнови чартер летот Тел Авив - Охрид. Интересот на потенцијалните туристи за Македонија беше огромен.
Агенцијата за промоција на туризмот туристичките потенцијали на
Македонија ги презентираше на Меѓународниот саем за туризам во
Љубљана,Р.Словенија што се одржа од 27-30 јануари 2011.
На брендираниот штанд Macedonia timeless се презентираше културните
и природните атрактивности на земјата пред потенцијалните туристи од
Словенија.
Директорот на Агенцијата оствари средба со преставници на
туроператорот Компас Словенија кој е продава Македонија. Преставниците
го информираа директорот дека се поголем е интересот за Македонија
при што се размислува да се реализира чартер лет Љубљана – Охрид
почнувајќиод 01.мај.Во тој контекст Агенцијата за промоција ќе помогне
во реализација на овие активности преку засилена промоција на пазарот во
Словенија. На саемот учествуваа и неколку наши хотелиери и агенции кои
остварија контакт со своите колеги од Словенија.
Како резултата на активностите на промоција кои агенцијата ги презема
континуирано на овој пазар во последните години се зголемува бројот на
туристи од Словенија кои ја посетуваат нашата земја.Нашето презентирање
во Љубљана беше реализирано во соработка со нашата амбасада во
Љубљана,Р.Словенија.
Промоција на туристичката понуда на Македонија во Финска
Македонија се презентираше на Меѓународниот саем за туризам во Хелсинки, Финска што се одржува од 20-23 јануари.
Агенцијата за промоција на туризмот на брендираниот штанд Macedonia timeless за
првпат ги презентираше туристичките потенцијали на Македонија на најголемиот Саем во Нордиските земји МАТКА пред потенцијалните туристи од Финска.
На самото отварање на Саемот претставници од Владата на Финска и посакаа добредојде на Република Македонија како учесник на саемот.
Агенцијата за промоција на туризмот во соработка со нашиот економски промотор на самото отварање на Саемот заедно со туроператорот Ауринкоматкат
организираа прием за новинари и туроператори соработници на Ауринкоматкат кои ги прават аранжманите за Македонија. На самиот прием се дегустираше
македонска традиционална храна и вино.
Ауринкоматкат изрази задоволство од нашето презентирање и учесвтво на Саемот а воедно не информираше дека веќе 40% од аранжманите се продадени.
Директорот на Агенцијата Зоран Стрезовски го информираше директорот на Ауринкоматкат за мерките што ги презема Владата од аспект на субвенциите и
промоцијата при што изрази задоволство и потенцираше дека 2011 ќе биде година на Македонија на Финскиот пазар.
Организацијата на нашето саемско презентирање Агенцијата ја реализираше во соработка со економскиот промотор Катерина Оровчанец и претседателот на
Македонско- Финско друштво Рубин Маркоски.
Штандот беше поставен од голем број амбасадори и видни личности од Финска како и голем број на потенцијални туристи.
Македонија се презентираше на Саемот во Утрхт, Холандија
На брендираниот штанд под мотото Macedonia timeless за време на македонската презентација што се одржа во средата се заигра и македонско оро, се
дегустираше македонската кујна и македонското вино. Агенцијата за промоција и поддршка на туризмот во соработка со општина Охрид и Струга, македониските
туристички потенцијали ги презентираше пред голем број на туроператори но и пред потенцијалните туристи кои покажаа огромен интерес за посета на Македонија.
На нашиот штанд покрај амбасадорот Димитров, амбасадорката Филипини, заменик-министерот за економија Хаџи Васков, директорот на Агенцијата Стрезовски
, градоначалникот на Струга Рамиз Мерко присувствуваа над 20 туристилки агенции, хотелиери од Македонија кои со своите партнери остварија директни средби
за заедничка соработка. На презентацијата свои искуства од Македонија презентираа неколку холандски туристи кои веќе ја посетиле
Македонија и своето позитивно искуство го пренесоа пред потенцијалните туристи. Промотивните материјали беа едни од најбараните на Саемот.
Македонија како туристичка дестинација се продава во огромен број на каталози на различни туроператори што до сега не било случај.
Туроператорите не информираа дека интересот за Македонија е огромен при што уште сега има голем број на резервации.
Сето ова покажува дека 2011 ќе биде година на Холандските туристи кои како во добрите минати времиња ќе ја посетуваат нашата земја.
Промоција на Македонските туристички потенцијали на
Холaндскиот пазар
Република Македонија како туристичка дестинација интензивно се
промовира во Холандија во повеќе каталози на холандски туроператори.
Неодамна излезе каталогот на еден од најзначајните холандскиот
туроператор TUI Холандија за 2011 година во кои сe презентирани
туристичките потенцијали и убавини на Македонија.
Каталогот веќе се
дистрибуира до потенцијалните туристи a како што информираат интересот
за Македонија е се поголем.
Покрај тоа реализирано е и on line издание кое
може да се види на следниве линкови:
Агенцијата за промоција и подршка на туризмот како директен учесник
во вкупната промотивна активност на холандскиот пазар, од 11 до 16
Јануари 2011 ќе ги презентира македонските туристички потенцијали на
Меѓународниот Саем за туризам во Утрехт, Холандија.
На нашиот штанд кој ќе биде брендиран во цвено-жолта боја на 12 Јануари
во 13 часот ќе биде организирана видео презентација на Македонските
туристички потенцијали пред присутните туроператори и новинари. Воедно
присутните ќе имаат можност да дегустираат македонско вино и македонска
традиционална храна, сето тоа збогатено со македонска етно музика.
На Саемот ќе бидат презентирани и субвенциите за Холандскиот пазар
што Владата за 2011 година ги определи за холандските туроператори.
Kако резултат на тоа како и активностите кои се преземаат од аспект на
промоцијата оваа година се очекува туроператорот Corendon во Македонија
да донесе околу 8000 туристи од Холандија кои ќе остварат околу 50 000
ноќевања. За таа цел од стрaна на туроператорот веќе се закупени неколку
хотели на Охридско-струшката ривиера.
Македонија меѓу десетте најжешки туристички дестинации, според Си Ен Би Си
Македонија е рангирана меѓу десетте најжешки туристички дестинации, кои би требало да бидат посетени наредната година, според американскиот магазин Бизнис, дел од мрежата на американската телевизија Си Ен Би Си.
Македонија долго не беше во фокусот како туристичка дестинација. Главниот град Скопје има извесен отомански шарм, а Охридското Езеро е дестинација за која од туристите стигнуваат само пофалби во суперлатив, пишува Бизниз, потенцирајќи ја убавината на православните цркви со кои е опкружено езерото.
Прекрасниот Охрид нуди одлична храна и забава за туристите. И Скопје и Охрид имаат свои аеродроми кои се менаџирани од турскиот оператор ТАВ, додава магазинот во декемвриското издание.
Меѓу останатите дестинации кои се препорачуваат се Флоријанополис во Бразил, белгискиот град Антверпен, Колумбија, Алжир, сириската престолнина Дамаск, Шри Ланка, Брасиликана во Италија, Чикаго и Тајван.
Туристичка промоција во Финска
Туроператорот од Финска - Ауринкоматкат овие денови го објави својот каталог за туризам за 2011 година каде на неколку страни е преставен Охрид и Македонија како посакувана туристичка дестинација како и хотелите со кои Ауринкоматкат веќе има потпишано договор.
Како што нагласуваат од Ауринкоматкат 50% од седиштата на чартер летот Хелсинки - Охрид кој треба да се реализира во периодот јуни - август 2011 веќе се букираат од страна на Финските туристи. Туроператорот Ауринкоматката е дел од компанијата Фин Аир и е еден од најголемите туроператори во Финска преку кој годишно летуваат над 350 000 туристи од Финска. Реализирањето на вој проект кој е резултат на активностите на Агенцијата за промоција и подршка на туризмот на Р.Македонија заедно со економскиот промотор во Финска ќе овозможи за првпат Македонија да се отвори и за пазарот на Нордиските земји кој е силен емитивен регион на туристи кои патуваат надвор од својата земја.
Туристичка промоција во Чешка
Како резултат на студиското патување на новинари од Чешка во Македонија која се реализира во месец септември оваа година, деновиве во еден од најтиражните печатени медиумо ПРАВО излезе статија на 2 страни за Македноските туристички потенцијали.
Продолжуваат активностите за развој на кампинг секторот во Република Македонија
Продолжуваат активностите кои започнаа со работилницата за развој на кампинг секторот на Западен Балкан, која се одржа во Колашин, Црна Гора. За таа цел во периодот од 15-17 септември во Македонија се реализираше првата мисија на германскиот експерт за кампинг туризам, Г-н Фолфганг Фромер.
Целиот проект за развој на овој сектор е финансиран од страна на германската влада, во соработка со "Ecocamping". Станува збор за регионален проект во кој се вклучени уште и Србија, Албанија, Црна Гора и Босна и Херцеговина. Во нашава земја проектот е координиран од страна на канцеларијата на ГТЗ во соработка со Агенцијата за промоција и поддршка на туризмот. Првата мисија опфати посета на автокамповите и запознавање со нивните потенцијали, како и со нивните планови за наредниот период. Врз основа на проценките ќе бидат утврдени можностите за понатамошна соработка која опфаќа учество на обуки и семинари, вклучување во интернет маркетингот, учество на саеми, вклучување во европската мапа на кампинзи, како и во каталогот за кампери ADAC за 2012-та година. Проектот започна во ноември 2009 и треба да заврши во март 2012.
Во рамките на програмата и активностите на Aгенцијата за
промоција и поддршка на туризмот, во периодот од 03-08
Септември, во Македонија престојуваа група новинари од Чешка,
кои имаа можност да ја запознаат Македонија како потенцијална
туристичка дестинација и како таква да ја претстават преку
медиумска кампања на Чешкиот туристички пазар.
Исто така во перидот од 03-08 Септември престојуваше
група на новинари од Финска. Новинарите од Финска беа
предводени од претставник на туроператорот AURINKOMATKAT
како медиумска поддршка за чартер летот Хелсинки - Охрид кој
треба да се реализира идната година. Новинарите ги посетија
Скопје, Маврово, Струга, Охрид, Битола и Тиквешкиот регион.
Овие активности Aгенцијата за промоција и поддршка на
туризмот ги реализираше во соработка со нашите економски
промотори од Чешка и Финска.
Македонија - Бисер на Балканот
Како резултат на студиското патување, кое АППТ го организираше за преставниците на
високата делегација на Асоцијацијата на туристички работници од Р. Турција, ТУРСАБ,
овие денови во месечното списание на Асоцијацијата излезе репортажа за туристичките
потенцијали на Република Македонија.
На неколку страници беа преточени впечатоците
од посетата на Македонија, притоа потенцијрајќи ги местата кои задолжително треба да
бидат посетени.Овој магазин се дистрбуира до сите членки на ТУРСАБ како и до деловни
луѓе и државни институции во Турција.
Русите пристигнаа во Охрид
На охридскиот аеродром "Св Апостол Павле" попладнево слета првиот чартер лет од Москва. Со него пристигнаа околу 130 руски туристи, кои десетина дена ќе престојуваат во Македонија.
Руските туристи на аеродромот во Охрид, ги дочекаа претставници на Руската Амбасада во Македонија, од Руско – македонската комора и од Агенцијата за промоција на туризмот.
Ова е мал чекор за отварање на патот кон Охридското Езеро и се надевам дека оваа малечка река гости од Русија наскоро ќе прерасне во голема река, рече заменик Амбасадорот на Русија во Македонија, Јевгениј Јегоров.
Илија Исајлоски, македонскиот Амбасадор во Русија, истакна дека се надева дека чартер летовите ќе продолжат со планираниот интензитет и секој од нив ќе носи од 100 до 140 гости од Русија. “ Според нашите сознанија, сите билети за Македонија веќе се распродадени. Интересот во Русија е голем, а нашата земја е претставена како една од најубавите и најевтини европски дестинации и се наоѓа на сите познати интернет сајтови”, рече Исајлоски.
Ина Жарова, Директор на Алекс Турс- Москва и организатор на чартер- летовите, потенцира дека основниот мотив за да го организира сето ова било воодушевувањето со кое се враќале руските гости од Охрид и Македонија.
Ова е првата група на руски туристи од предвидените шест чартер летови, за оваа сезона. Заклучно со 30-ти август, ќе треба се реализираат уште 5 чартер летови од Русија.
Проект кампинг туризам
Агенцијата за промоција и поддршка на туризмот на Р.Македонија заедно со Националните туристички агенции и организации од Србија, Босна и Херцеговина, Албанија и Црна Гора а со подршка на Германската Техничка соработка - ГТЗ започнуваат со реализација на проект Кампинг туризам.
Во проектот се вклучени и асоцијациите на хотели и кампови од земјите.
Целта на проектот во кој директно ќе бидат вклучени сопствениците и менаџерите на камповите од овие земји е подигнување на стандардите во камповите според Европските нормативи, поставување на европската мапа за категоризирани кампови и промоција на Европскиот пазар преку заедничко учество на Меѓународни Саеми за кампинг туризам. За таа цел минатата недела во Колашин, Црна Гора се одржа првиот состанок каде се дефинираа активностите кои треба да следуваат во проектот кој ќе трае 1 година. Заради тоа во јули месец во Македонија ќе присуствуваат двајца експерти од Европската асоцијација на кампери кои лично ќе ги посетат камповите и непосредно ќе се запознаат со состојбата а воедно ќе им предложат мерки како да ги достигнат европските услови за кампирање.
Агенцијата за промоција и поддршка на туризмот на Република Македонија, се претстави со свој сопствен промотивен штанд, на првата лидерска конференција за информатичко-комуникациски технологии во образованието, која се одржа во Охрид, од 7-ми до 9- ти Јуни, во организација на Министерството за информатичко општество , во соработка со Министерството за образование и наука, а под покровителство на Интел корпорацијата.
На конференцијата присуствуваа потпретседателот на Интел, Џон Дејвис, министрите за информатичко општество и за образование од Балканот, како и министрите од земјите од Источна Европа.
Преку штандот на АППРТМ, присутните на конференцијата имаа можност да се запознаат со туристичката понуда на Република Македонија.
На покана и во организација на Агенцијата за промоција и подршка на туризмот на РМ,о период од 1-3 јуни 2010 година,во Македонија ќе присуствуваат еминентни туроператори од Јапонија(меѓу кој и претставник на Асоцијацијата на Јапонските туристички агенции) кој во својата регионална ФАМ-тура ќе ја посетат и Албанија и Србија.
Целта на оваа посета е да се запознаат со туристичките потенцијали на Македонија и да ја вклучат Македонија во регионалните туристички програми,за туристите од Јапонија кои се се присутни во регионот. Исто така се предвидени и средби со нашите туристички работници со цел поставување на меѓусебна соработка.
Висока Турска делегација од Асоцијацијата на туристички работници во посета на Македонија
На покана на Агенција за промоција и подршка туризмот на Македонија во државава престојува висока делегација на Асоцијацијата на туристички работници од Р. Турција. Тие денеска го посетија Охрид при што во хотелот "Инекс Горица" одржаа прес средба со медиумите.
Основната цел на оваа посета е воспоставување на заедничка соработка со локалните туристички работници и анализирање на македонскиот туризам од страна на оваа висока делегација и со тоа да се помогне на нашата држава за понатамошна промоција и развој на оваа важна стопанска гранка,истакна Зоран Стрезоски, директорот на Агенцијата за промоција на туризмот во Р.Македонија
-Македонија за нас е многу важна земја и нашето искуство од областа на туризмот сакаме да го споделиме со македонските соработници и мислиме дека подготвувањето на еден мастер план ќе биде правата работа која што треба да ја направиме заедно со нашите македонски соработници,Соработката се надеваме дека ќе донесе една посветла иднина за Р.Македонија,вели Џумхур Гувен Ташбаши,генерален директор на Министерството за туризам и култура на Р.Турција. Тој посочи на три клучни фактори за развој на туризмот.
Your browser may not support display of this image. - Турција е туристичка дестинација меѓу првите во светот и денеска турците преставуваат многу сериозен туристички потенцијал за сите други земји кои што сакаат да ги посетуваат со оглед на тоа и Р.Македонија има одличен туристички потенцијал, едно огромно културно - историско и природно богатство, потенцираше г-ѓа Гунур Озалп, генерален секретар на Турсад. Турција и Македонија треба да соработуваат бидејќи тука има огромен потенцијал што ќе придонесе за успех, додава Озалп.
Тахир Мурат,претставник на Turkish Airlines рече дека кога е во Охрид се чувствува исто како во неговата родна земја. Во Македонија и во другите градови има неоткриен туристички потенцијал и тука треба добро треба да се размислува додава тој.
Претставници од турскиот тур-оператор "Турсаб", од Туркиш Ерлајнс и од министерството за туризам и култура на Турција, во Охрид ја договараат соработката во туризмот.
Според нив, сообраќајното поврзување, подобрувањето на хотелите и другите сместувачки капацитети и начинот на продажба на туристичкиот производ се основните работи кои треба да ги практикуваат овдешните туристички чинители.
Како што рече директорот на Агенцијата за промоција и поддршка на туризмот на Македонија, Зоран Стрезовски, освен основната цел, да се воспостави соработка, туреските работници ќе треба да ги разгледаат туристичките потенцијали и да помогнат во промовирањето на туризмот кај турските туристи.
Генералниот директор во Министерството за туризам и култура, Џумур Гувен Таџибаши рече дека Турција која е седма меѓу десетте светски туристички дестинации, а деветта според остварените приходи во оваа гранка.
- Токму затоа ќе ни биде задоволство доколку со вас ги споделиме нашите искуства. По разговорите со македонските колеги ќе одлучиме, дали македонската туристичка понуда ќе оди во пакет со останатите земји од Балканот. Но, она што е важно , е дека треба да ги подобрите хотелските капацитети, рече Таџибаши.
Генералната секретарка на познатата туристичка агенција „Турсаб“, Ѓунур Озалп рече дека Турците многу патуваат, а нивниот интерес за Македонија се зголемил по емитувањето на турските серии снимени овде.
- Туркиш Ерлајнс не може да ги опслужува двата аеродроми во Скопје и Охрид. Охридското авио-пристаниште ќе им биде отстапено на другите турски авио-компании кои ќе организираат чартер летови, истакна Озалп.
Турските туристички работници им соопштија на македонските колеги дека биле потребни многу години за да се достигне ова ниво и ги охрабрија да продолжат и натаму да ги развиваат туристичките потенцијали.
Билборди низ балканските држави
Србија
Словенија
Бугарија
Албанија
Косово
Стотици билборди во соседството ќе ги канат туристите во Македонија
Повеќе десетици билборди кои ќе ја рекламираат македонската туристичка понуда ќе биде поставени на атрактивни локации во главните градови на земјите од соседството од каде во изминатите години доаѓаат најголемиот број посетители во земјава.
Слоганот на овогодинешната билборд-кампања ќе биде “Македонија-патување низ времето“, а со неа ќе бидат опфатени Тирана, Белград, Софија, Љубљана, и за првпат Приштина, изјави директорот на Агенцијата за промоција и поддршка на туризмот, Зоран Стрезоски.
-Очекуваме Македонија преку оваа кампања да се етаблира како туристички бренд во соседството, особено во таргетираните држави, истакна Стрезоски. Тој појасни дека во секој од посочените градови ќе бидат поставени по дваесеттина билборди, со различни димензиии и мотиви од културно-историското и природното богатство на Македонија.
Стрезоски најави дека рекламни билборди ќе бидат поставени и во главниот град на Русија, од каде годинава се очекуваат првите чартер-летови со руски туристи, што ќе летуваат во Македонија во периодот од крајот на јуни до крајот на август.
Стрезоски очекува примерот на Агенцијата за промоција и поддршка на туризмот да го следат и локалните самоуправи кои според него треба да ги рекламираат туристичките можности на своите градови во републиката.
Билборд кампањата започнува на 10 мај.
Македонските туристички потенцијали презентирани во Хрватска
Во престижниот хотел „Антуновиќ“ во Загреб, македонските туристички потенцијали вчера беа презентирани пред туроператорите од Хрватска.
На презентацијата пред околу 30 туроператори беа презентирани туристичките потенцијали но и упатството за субвенционирање за странски туристи.
Целокупниот настан беше збогатен со учество на дувачкиот квартет од загребската филхармонија која изведе стилизирана македонска етно музика, а воедно се дегустираше и нашето вино.
Хрватските туроператори информираа дека секоја година се повеќе туристи од Хрватска патуваат за Македонија а воедно голем е бројот на регионални патувања преку Црна Гора и Албанија. Меѓу другото беше договорено да се организираат ФАМ тури со значајни туроператори од Хрватска да дојдат во Македонија каде на лице место ќе се запознаат со нашите туристички потенцијали.
Настанот кој беше организиран од нашата амбасада во Загреб и Агенцијата за промоција на туризмот предизвика интерес кај хрватските туроператори и од аспект на тоа што ваква презентација во Хрватска се случува првпат.
Промоција туристичките потенцијали во Загреб, Р.Хрватска
Ве информираме дека Агенцијата за промоција и подршка на туризмот на Р.М. во соработка со нашата амбасада во Загреб, Р. Хрватска на 27 април со почеток од 12 часот во хотелот Антунович во Загреб организираат презентација на туристичките потенцијали на Македонија пред медиумите и туроператорите од Р.Хрватска.
Покрај амбасадорот на презентацијата ќе учествуваат и директорот на АППТРМ кој ќе ги презентира туристичките потенцијали на Македонија и упатството за субвенционирање на странски туристи пред присутните туроператори и новинари. Воедно присутните ќе имаат можност да го дегустираат македонското вино а музичкиот дел ќе биде збогатен со македонска етно музика.
На презентацијата ќе учествуваат и наши хотелиери и агенции кои ќе остварат непосредни средби со нивните хрватски колеги.
Промоција на туристички водич на италијански јазик
На 14.04.2010 во Н.У. Музеј на град Скопје беше промовиран првиот туристички водич на италијански јазик, со кој италијанскиот туристички пазар ќе може да ја запознае Република Македонија како атрактивна туристичка дестинација.
На промоцијата учествуваше и директорот на Агенцијата за промоција и поддршка на туризмот Зоран Стрезовски, кој во воведниот збор ја поздрави оваа иницијатива и воедно му се заблагодари на господинот Фабио Котифава за неговиот допринос за креирањето на водичот.
Станува збор за современо уреден туристички водич со содржини за Р. Македонија на 300 страници, наменет за туристичкиот пазар на Италија.
Од важност е да се спомене дека во 2009 година е остварена посета од македонска страна на најголемиот саем во Бит – Италија, при што се реализирани средби со нивниот директор за туризам и во тековната 2010 година договорено е наше учество на овој саем, за презентација на можностите на Република Македонија на оваа земја.
Италијанскиот туристички пазар покажува интерес за организирани посети на манастири и други културно-историски споменици во Македонија, како и воведување на други содржини, како што е велосипедскиот туризам со организирани однапред определени маршрути или ловен туризам со користење на ловните подрачја за ловење на разни видови дивеч и сместување во соодветни објекти за таа намена или со сместување во блиските центри.
Промоција на Македонија во најтиражниот дневен весник во Холандија
Како резултат на студиското патување за холандските новинари кое го организиравме во Македонија, овие денови излезе одличен натпис за туристичките потенцијали во најтиражниот дневен весник во Холандија - Телеграф.
Македонските туристички потенцијали презентирани во Приштина
Во организација на Агенцијата за промоција и подршка на туризмот македонските туристички потенцијали се презентираа на Саемот во Приштина што се одржа од 01-03 април. На брендираниот штанд Macedonia timeless се презентира културниот и езерскиот туризам.
Претставниците на Агенцијата реализираа повеќе интервјуа за медиумите од Косово каде ги потенцираа туристичките потенцијали на Македонија.
Во неопсредни контакти со туроператорите им се презентираа субвенциите за странските туристи кое предизвикува голем интерес кај нив. Директорот на АППТРМ оствари средба со заменик министерот за Економија на Косово кој го посети нашиот штанд и изрази задоволство од добрата соработка која се воспоставува на полето на туризмот. Побарувачката за туристички аранжмани за Македонија за Охрид и Струга е се поголема од страна на потенцијалните туристи. На Саемот учествуваа и голем број на наши туристички работници кои остварија средби со нивни партнери од Косово.
Македонските туристички потенцијали презентирани во Киев,Украина
Агенцијата за промоција и подршка на туризмот во соработка со Амбасадата на Р.М. во Киев,Украина ги промовираа македонските туристички потенцијали пред туроператори и новинари од Украина.
На презентацијата амбасадорот Спасеноски и директорот Стрезовски зборуваа за туристичките потенцијали на Македонија а водено беше презентирано и упатството за субвенционирање на странски туроператори.
Првата презентација на РМакедонија беше извршена на туристичкиот саем кој се одржа во „Украинскиот дом“ (место каде што претседателот Јанукович организираше прием по повод неговата инаугурација), во период од 23-25.03.2010 година. На овој саем земаа учество туристички агенции, меѓу кои и украинската туристичка агенција „Татур“, која ги претстави своите туристички патувања во РМакедонија. За време на саемот се одржуваа семинари на кои во присуство на претставници на туристички агенции кои се заинтересирани за соработка, беа презентирани патувања во одредени земји.
На презентацијата , директор на Агенцијата за промоција и поддршка на туризмот во РМ, благодарејќи на добрата 45 минутната презентација, успеа да ги заинтересира присутните за туристичките капацитети на нашата земја и посебно за културниот туризам, која придонесува да се зголеми интересот кај украинските граѓани за РМакедонија.
Претставувајќи ги туристичките капацитети, Стрезовски ги информира присутните за условите и начинот за добивање на субвенции од организираниот туристички промет. Од присутните на презентацијата амбасадорот Спасеноски извлече добитник на патување во РМ, доделено од директорот на ТА „Татур“.Презентацијата заврши со дегустација на македонско вино.
Втората презентација на туристичките капацитети на Република Македонија, беше на 16-от меѓународен саем за туризам, на кој, благодарејќи на добрата соработка со Киевскиот славистички универзитет, а во чии рамки има факултет за туризам, ни беше отстапен простор, за промоција на РМ и нејзините туристички капацитети. На овој саем не претставуваше ТА „Схидни мист“, која успеа да го привлече вниманието на многумина посетители, барајќи конкретни предлози и помош во организирање на патувања во РМ.
На средба со проректорот на Киевскиот славистички универзитет Андриј Григорович Вертигел , директорот Стрезовски укажа на можноста од соработка со Факултетот за туризам од Охрид, при што беа прецизирани и првичните чекори кои ќе се преземат заради отпочнување на соработката.
Македонска музика, традиционална храна,вино и оро на Македонскиот штанд во Берлин
На претпоследниот ден од најголемиот туристички Саем во Берлин отворен за публика на Македонскиот штанд се слушаше македонската музика и се играше македонско оро. Како никогаш досега македонските туристички потенцијали беа презентирани на Саемот во Берлин.
Во саботата на пладне со обраќање на нашиот амбасадор во Германија - Филипов и директорот на АППТ
кон присутните новинари но и обичната публика зборуваа за туристчките потенцијали на Македонија а се промовираше и книгата Македонија на германскиот патописец Sieckmeyer. Веднаш после тоа во времетраење од два часа се пееа македонски песни, се дегустираше македонската храна и вино. На песната македонско девојче се разви и македонско оро.
Македонија промовирана во водечкиот дневен весник во Белгија
Македонијакако туристичка дестинација со недопрена природа беше успешно промовирана во еден од главните дневни весници во Белгија „Het Laatste Nieuws”.
Написот за Република Македонија беше објавен во изданиетоод 27/28 февруари, каде беа промовирани и туристичките потенцијали на Словенија, Црна Гора и Србија.
Македонскиот туризам презентиран на 32 Меѓународен Саем во Белград
На 32 Меѓународен Саем за туризам кој се одржа од 24-28 фебруари во Белград, Македонските туристички потенцијали се презентираа пред потенцијалните туристи и туроператори од Р.Србија. Културниот туризам, Езерскиот туризам и природните реткости се промовираа преку брендираниот штанд - Macedonia Timeless. На вториот ден од Саемот се промовираше нашиот фолклор преку сплет на Македонски ора и игри
на наши фолклорни друштва, преку ансамбл на македонски песни а воедно посетителите можеа да ја дегустираат и традиционалната македонска храна и вино.
Директорот Стрезовски преку своето обраќање до присутните ги повика граѓаните на Србија оваа година Македонија да биде нивна туристичка дестинација а воедно зборуваше и за двата јубилеи што ќе се слават во Македонија - 100 години од раѓањето на Мајка Тереза и 1100 години од упокојувањето на Св.Наум Охридски. Воедно беше органиизирана и наградна игра за посетителите во која активно учество имаа хотелите од Македонија кои доделуваа награди за посетителите.На нашиот штанд постојано се слушаше музика на нашиот Тоше Проески. Директорот имаше неколку интервјуа за медиумите во Србија (Танјуг,Политика, РТС, локални медиуми од повеќе градови). Во организацијата свој допринос дадоа и Националниот совет на македонците во Србија. Туроператорите од Србија ја поздравија одлуката на Владата на Р.М за субвенционирање на странскиот туристички промет кој ќе допринесе за зголемување на бројот на туристи од Србија. Штандот на Р.Македонија беше еден од најпосетените во хала 1 а над 20 000 парчина промотивен материјал беше поделен на присутните посетители. Од македонска страна беа присутни над 50 туристички агенции,хотелиери, сопственици на приватно сместување кои остварија непосреден контакт со нивни партнери од Србија. Промоцијата во Белград Агенцијата за промоција и подршка на туризмот на Р.М. ја реализираше во соработка со општините Струга,Охрид,Вевчани,Старо Нагоричане и туристичките асоцијации од Македонија.
Информација за промоција на Македонските туристички потенцијали на Саемот Емит во Истанбул - Република Турција
Агенцијата за промоција и поддршка на туризмот во заедничка соработка со локалните самоуправи-Охрид, Битола и Маврово за прв пат ги промовираше македонските туристички потенцијали на саемот за туризам во Истанбул кој се одржа од 11-14 Февруари. Штандот на Р. Македонија беше посетен и од Министерот за туризам на Р. Турција кој непосредно го изрази своето задоволство што Македонија учествува на Саемот за туризам.
Македонските туристички потенцијали беа презентирани и на посебна прес-конференција за новинари и туроператори каде беа презентирани и субвенциите што владата на Р.М. ги обезбедува за странските туристи. На покана на прецедателот на Турсаб ( асоцијација на туристички агенции на Турција) директорот на агенцијата М-р Зоран Стрезовски го посети седиштето на Турсаб и оствари директни средби со прецедателот на Турсаб Basaran ULUSOY.
Директорот Стрезовски го покани прецедателот на Турсаб заедно со повеќе туроператори да ја посетат Македонија непосредно да се запознаат со туристичките потенцијали на земјава и воедно да ни помогнат во едукацијата на кадри и посебно од аспект на хотелскиот менаџмент. Прецедателот ја прифати поканата начелно беше договорено на 30 мај 25 туроператори и новинари од Турсаб да дојдат во Македонија.
На саемот во Истанбул присуствуваа и голем број на наши туроператори и хотелиери кои остварија средби со туроператори од Турција. Промотивните материјали на Македонија беа едни од најбараните на Саемот.
Во целокупанта организација свој голем придонес дадоа и Генералниот конзул на Р.М. Игор Попов и економскиот промотор во Турција Филиз Вели.
Македонските туристички потенцијали за прв пат беа презентирани на Израелскиот саем за туризам кој се одржа на 9 и 10 февруари 2010 во Тел Авив, Израел
Медитеранскиот саем за туризам се одржува по 16 пат во Тел Авив, Израел на кој саем учество земаа над 60 држави од Европа и Азија меѓу кои (Словенија,Хрватска, Србија, Грција,Бугарија и други). Саемот свечано го отвори Министерот за туризам на Израел а на свечаното отварање присуствуваа директорот Стрезовски и нашиот амбасадор во Израел Пајо Авировиќ.
Македонија покрај штандот организираше на првиот ден од саемот прес конференција со презентација на туристичките потенцијали во Македонија и субвенциите за странски туристи, а воедно беше промовирано и Македонското вино пред присутните тур-оператори и новинари.
Учеството на Македонија на Саемот за туризам во Израел беше позитивно оценето од Израелските тур-оператори во период кога се поголем број на Израелски туристи доаѓаат во Македонија, а во тој контекст и чартер летовите од Тел Авив до Охрид кој ги организира Ешат турс заедно со мрежа на свои суб агенти а ке започнат од мај месец до октомври и кои планирааат да остварат 30 000 ноќевања во Македонија. Стрезовски оствари контакти со повеќе преставници на медиуми пред кои зборуваше за туристичките потенцијали на Македонија и кои покажаа интерес за посета на нашата земја преку ФАМ тура. Од нашите туроператори беа присутни Компас (како преставник на повеќе хотели кои работат со израелски туристи,Интер конт како и преставници на хотел Епинал од Битола и Бистра од Маврово.
Македонските туристички потенцијали промовирани на Саемот за Туризам во Љубљана
На 21 Јануари со почеток од 15:30 часот во конгресната сала на Саемот беше организирано прес-конференција и презентација на Туристичките потенцијали пред медиумите и туроператорите од Словенија. На прес-конференцијата учествуваше Амбасадор Самуил Филипоски, Директорот на АППТРМ Зоран Стрезовски кој ја водеше презентацијата и Вања Вардијан-уредник на Словенечкото радио кој минатата година со својата фамилија бил на одмор на Охридско-Струско крајбрежје,
кој што зборуваше за позитивните искуства од Македонија.На самиот настан се промовираше Македонското вино и традиционалната Македонска кујна која предизвика огромно воодушевување кај присутните. Настанот беше збогатен со Македонска фолклорна музика која даде посебен белег, додека промотивните материјаи беа едни од најбараните на Саемот. Директорот Стрезовски реализираше повеќе интервјуа за Националната Телевизина на Словенија, печатениот медиум Дневник и други локални медиуми каде зборуваше за Туристичките потенцијали и Субвенциите за странски туристи. Воедно се договори да во Април месец се реализира студиско патување за новинари од Р. Словенија во Македонија. Туристичките работници кои присуствуваа на Саемот остварија голем број на средби со своите партнери од Словенија.
Македонскиот туризам успешно презентиран на саемот во Утрехт, Холандија
Во организација на Агенцијата за промоција на туризмот и Министерството за Економија, Република Македонија успешно ги промовирасе туристичките потенцијали пред многубројните туроператори и новинари од Холандијa. На организираната прес конференција и презентација на нашиот штанд свои обраќања имаа Амбасадорот на Република Македонија во Холандија Г-н.Никола Димитров, заменик министерот за Економија Методиј Хаџи-Васков и директорот на Агенцијата за промоција Зоран Стрезовски.
Пред многубројните посетители на нашиот станд кој беше брендиран под името Macedonia Timeless се презентираа туристичките можности на Македонија, проследено со промоција и дегустација на Македонско вино, македонска храна и македонска етно музика во изведба на нашата Александра Поповска, изјави М-р Стрезовски.
Нашите туристички работници остварија директни средба со значајни холандски туроператори и како што сите нагласија 2010. година ќе биде година во која на голема врата ќе се вратат Холандските туристи во Македонија.
Ве информираме дека Агенцијата за промоција и подршка на туризмот на Р.М. во соработка со Туристичките комори на Македонија и Хотелските асоцијации го организираат третиот Саем за Туризам кој ќе се одржи во периодот од 17-19 Јануари 2010 во Охрид.
Од оваа година на Саемот ќе се презентира македонската туристичка понуда пред странските туроператори кои се поканети од наша страна
Во прилог Ви испраќаме покана и програма за Саемот за Туризам.
Македонските туристички потенцијали промовирани во Прага, Р.Чешка
На 09 декември во организација на Македонската амбасада во Прага,Р.Чешка се одржа Бизнис форум за инвестиции,туризам и вино. На форумот за туристичките потенцијали зборуваше директорот на АППТРМ Зоран Стрезовски кој пред туроператорите ги истакна специфичноста на македонската туристички производ а воедно и за мерките што се првземаат од аспект субвенционирање за странските туристи за следната година.
Директорот имаше обраќање на Генералното собрание на Асоцијацијата на Чешки туроператори каде ги повика да ја стават Македонија во своите програми за следната година. Воедно се договаривме за Саемот за туризам во Прага (07-09 фебруар) да организираме workshop за чешките туроператори и пресс конференција за чешките новинари.
Според присутните ваквиот начин на промоција е доста успешен и треба да се применува се почесто
Македонскиот туризам промовиран во магазинот на ЕУ The Parlament
Македонскиот туризам за првпат се промовираше во магазинот на ЕУ The Parlament.Mагазинот се дистрибуира до сите членки на ЕУ, до членовите на Европскиот парламент,до туристички новинари.
Воедно на 8 декември во Брисел во организација на Европскиот магазин The Parlament се одржа и меѓународна конференција на тема Туризмот во Југосисточна Европа. На конференцијата учествуваа министри за туризам и директорти на државни институции од областа на туризмот.
Директорот на АППТРМ Зоран Стрезовски имаше презентација пред присутните за туризмот во Македонија и мерките кои се преземаат во правец на зголемување на бројот на странски туристи.
На конферецијата учествуваа и голем број на Евро пратеници кои дадоа свој допринос за успешноста на конференцијата.
Ве информираме дека Агенцијата за промоција и поддршка на туризмот на Р.Македонија, во согласност со програмата за промоција на туризмот, а со цел зајакнување на туристишкиот бренд на Македонија во светот за првпат македонија ја презентира во магазинот на Европската Унија “The Parlament” - специјално издание Parlament Magazine Special South East Europe Tourism Edition. под слоганот Македонија – таму,каде што сонцето вечно сјае.
Магазинот се дистрибуира до сите членови на Европската комисија, членови од комитетите од регионите, до земјите членки на Европската Унија, до Министрите за туризам и Европските туристички пресс организации.
Директорот на АППТРМ м-р.Зоран Стрезовски ќе учествува на конференцијата под наслов Туризмот во Југоисточна Европа што магазинот The Parlament е организира на 7 и 8 Декември во Брисел каде ќе ги презентира туристичките потенцијали на земјава. Воедно на посебен штанд ќе бидат изложени македонските туристички потенцијали и програми.
Директорот на АППТРМ на 09 декември во Прага, Р.Чешка ќе ги презентира туристичките потенцијали на Македонија на Бизнис форумот за странски инвестиции, вино и туризам во организација на Македонската амбасада во Прага. Воедно ќе има можност да учествува на Генерално собрание на Асоцијацијата на Чешки туроператори каде ќе ги промовира туристичките потенцјали на земјата и воедно ќе ги повика Македонија како туристичка дестинација да ја инкорпорираат во својата програма.
Работна средба во општина Старо Нагоричане
Општината Старо Нагоричане na 24 ноември ја посети Зоран Стрезовски, директор на Агенција за промоција и поддршка на туризмот.
При тоа со градоначалникот Миодраг Јовановиќ одржаа работна средба, на која разговараа за туристичките потенцијали на општината, за состојбата на културно историските споменици и природни реткости на територија на општина Старо Нагоричане.
Посетата имаше за цел да придинесе за унапредување и развој на туризмот во општината.
Делегацијата ги посети црква Свети Ѓорѓи, испосницата на Прохор Пчински и мегалитската опсерваторија Кокино.
Во Скопје и Берово одржан форум во организација на Асоцијацијата за алтернативен туризам – Balkania
Од 12-ти до 14-ти Ноември 2009г. во Скопје и Берово се одржа форум во организација на Асоцијацијата за алтернативен туризам –Balkania, а со поддршка на Агенцијата за промоција и поддршка на туризмот.
Целта на форумот, чиј прв дел беше организиран во Скопје, беше формирање на регионален туристички производ, кој ќе се претстави на туристичкиот пазар.
Во своето излагање, директорот на Агенцијата, Г-н Зоран Стрезовски истакна дека државните институции од регионот непосредно соработуваат. Како резултат на таа соработка функционира web порталот www.balcantreasure.com.
Во исто време се подготвува специјална брошура за туристичките потенцијали на земјите во регионот, во издание на реномираниот светски познат магазин National Geografic Traveller Magazine, кој се печати во 500 илјади примероци, кои се дистрибуираат во Европа, Америка и Азија, како и во повеќе авио компании и познати брендирани хотели.
На форумот во Берово, директорот истакна дека Берово е во приоритетите на Агенцијата за промоција и поддршка на туризмот. Воедно директорот Г-н Зоран Стрезовски, реализираше средба со туристичките работници од Берово, на кои им ги презентираше активностите кои досега ги има спроведено Агенцијата за промоција и поддршка на туризмот.
Директорот Стрезовски на средба со туристичките работници во Маврово
Директорот на Агенцијата за промоција и подршка на туризмот на Р.Македонија м-р.Зоран Стрезовски оствари работен состанок со туристичките работници во Маврово и со Градоначалникот на општина Маврово – Ростуше Г-н. Мукрем Мехмеди .
Целта на посетата беше непосредно запознавање со активностите и проблемите што ги имаат туристичките работници во пресрет на зимската туристичка сезона.
Директорот потенцира дека регионот Маврово како туристичко место е во приоритетите на Агенцијата и ги повика туристичките работници да се организираат меѓусебе се со цел полесно решавање на проблемите во овој регион. Воедно ги запозна со активностите на Агенцијата од аспект на промоција на Македонија како туристичка деинација во светот и повика на поактивно вклучување на туритичките субјекти и локалнта самоуправа во промоција на овој регион. Работниот состанок се одржа во хотелот Бистра.
Македонските туристички капацитети промовирани во Лондон
Македонските туристички потенцијали ке се презентираат на Меѓународниот Саем за туризам World Travel Market во Лондон од 09 до 12 ноември.Македонија ќе се презентира со вкупните туристички потенцијали на посебен простор каде ќе бидат присутни и наши туристички агенции и хотелиери кои низ непосреден контакт со странските туроператори ќе разговараат за можноста за меѓусебна соработка.
Информација
Од 04 до 07 октомври во делегацијата на Р.Македонија која ја предводеше заменик министерот за економија Методиј Хаџи-Васков а во чиј состав беше и директорот на АППТРМ Зоран Стрезовски престојуваа во Астана, Р.Казахстан на генералната асамблеа на Светската туристичка организација.
На генералното собрание генералната дебата беше на тема: патеки на опоравување, - одржливоста на туризмот и новите предизвици.
Се разговараше за мерките и активностите што се преземаат во услови на економска рецесија и појавата на грипот H1N1 кои имаат силно влијание врз туристичките патувања. Свое излагање од името на Република Македонија имаше заменик министерот Хаџи-Васков кој зборуваше за мерките што Македонија ги спроведува во областа на туризмот.
Директорот Стрезовски оствари голем број на билатерални средби со своите колеги од Италија, Индија, Индонезија, Полска, Шпанија..., каде се разговараше за воспоставување на соработка на полето на туризмот и размена на искуства.
На генералното собрание беше избран нов генерален секретар г-н Талеб Рафаи од Јордан. Генералното собрание свечено го отвори претседателот на Казахстан Нурсултан Назарбајев.
Ве информираме дека според податоците на Народна Банка за девизен прилив од туризмот во Република Македонија за првите 6 месеци покажува дека девизниот нето приход е зголемен за 15 милиони американски долари споредбено со истиот период од минатата година. Односно во првите 6 месеци од 2008 година разликата меѓу девизниот прилив и одлив од туризам била 31,14 милиони долари додека за првите 6 месеци од 2009 разликата е 46,33 милиони долари.
Ние изразуваме благодарност до сите туристички субјекти кои дадоа допринос со своето работење да имаме ваков позитивен резултат. Ние продолжуваме со исто темпо.
Воедно Ве информираме дека делегација на Република Македонија предводена од Заменик-министерот за економија Методиј Хаџи-Васков а во чии состав е директорот на Агенцијата за промоција и подршка на туризмот на Република Македонија од 04-07 октомври ќе учествуваат на генералното собрание на Светската туристичка организација што се одржува во Астана, Казахстан. На 18 сесија на Генералното собрание ќе се избира нов претседател и потпретседател како и нов извршен совет. Генералната дебата е на тема: патеки наопоравување - одржливоста на туризмот и новите предизвици.
Министерот Бесими и директорот на АППТРМ Зоран Стрезовски ги доделија признанијата на најуспешните настани за 2009 година кои придонесоа за развој на туризмот во Македонија
„Денеска сме собрани да го одбележиме овој светски настан – 27 септември, Меѓународниот ден на туризмот - и дадеме придонес на сите оние мали нешта кои го прават голем туризмот во државата. Разните манифестации и настани кои се случуваат во нашата држава се надалеку познати и промовирани во големите ТВ и печатени медиуми. Звукот на музиката, текстовите од прозата и поезијата, фолклорот со неговата етно душа, маските од карневалите ги запознаваат и ќе ги запознаваат публицистите, новинарите, туристите и уметниците кои престојуваат во нашата земја за нашето вековно природно и духовно богатство. Скромно, но со искрени намери посакуваме уште поголема афирмација на нашите туристички вредности и на Македонија во светот“, министерот за економија Фатмир Бесими ги поздрави присутните во Клубот на пратеници на церемонијата на доделување на признанијата за манифестација која најмногу придонела за развој на туризмот во Македонија, која се одржува по повод 27 септември – Меѓународниот ден на туризмот.
Ова е прва ваква акција во организација на Министерството за економија, со која пригодно ќе се одбележи овој празник на туристичките работници, но втор настан годинава во чест на истиот повод, после саботната конференција за туристички развој на Шарпланинскиот регион, „Дијалози на Шара“, со која претседаваше министерот Бесими.
Имено, врз основа на упатениот повик до туристичките комори и здруженија за номинирање на најуспешни настани за 2009 година, пристигнаа вкупно 9 предлози, и тоа: Крушево етно – град, Вевчански карневал, фестивалот Охридско лето, „Малешевијата на дланка“ – Берово, Пиволенд – Скопје, Струшки вечери на поезијата, презентацијата на Македонија во CNN Травелер и британските туроператори, Охридскиот хорски фестивал и освоеното прво место во гастро - натпреварите од страна на хотелот „Молика“ и нивниот персонал.
За таа цел, комисијата за доделување на награди по повод манифестацијата “ Ден на туризмот“ како најуспешни од аспект на туристичка промоција ги прогласи манифестациите: Фестивалот Охридско лето, при што признанието го прими директорот на фестивалот г-дин Тони Симоновски; Струшките вечери на поезијата, за кои признание му беше врачено на членот на управниот одбор г-дин Џеми Хајрдени; Вевчанскиот карневал, од каде присуствуваше организаторот г-дин Горан Самоиловски, Крушево етно - град, при што признанието отиде во рацете на организаторот на проектот г-дин Ранко Петровиќ, како и презентацијата на Македонија во CNN Травелер и британските туроператори, за кое признанието беше врачено на претседателот на туристичко-угостителската комора во состав на Сојузот на стопанска комора, г-дин Огнен Циговски.
Пред присутните се обратија и г-дин Емил Димитровски од Стопанската комора за туризам на Македонија и Миодраг Атанасиевски, претседател на туристичка комора на Македонија.
Министерот Бесими го претстави и значењето на туризмот како стопанска гранка за развојот на економијата, што се отсликува преку вкупното учество во БДП-то, во позитивниот раст на девизниот прилив и со тоа, во подобрување на платниот биланс и вкупното вработување.
„Затоа Владата на Република Македонија, во својата Програма, стави силен акцент на севкупниот развој на туризмот и тоа преку: зајакнување на институциите – со формирање на Агенција за поддршка и промоција на туризмот и изработка на Стратегија за развој на туризмот која е во владина процедура, реформи во даночниот систем – преку разни олеснувања во процесот на привлекување на инвестиции, директно вклучување на јавниот сектор – подобрување на состојбата на туристички и културни локалитети и споменици, опрема, одредување и заштита на правци и патеки од интерес на туризмот, соодветна сигнализација, како и во процесот на промоција – изработка на националниот туристички водич на неколку странски јазици, изработка на Интернет страница, организирање на презентации и посети на странски туроператори и специјализирани новинари, засилено и проактивно претставување на меѓународни саемски манифестации, конгреси, форуми“, изјави Бесими, доделувајќи им ги признанијата на најуспешните и честитајќи им го Меѓународниот ден на туризам на сите туристички работници во Македонија.
Активности на АППТРМ
На 27 септември, Меѓународниот ден на туризмот, Агенцијата за промоција и подршка на туризмот на Република Македонија
ќе потпише договор за соработка со Универзитетот за туризам и менаџмент од Скопје.
Спојување на науката и праксата во туризмот
Агенцијата за промоција и поддршка на туризмот и Факултетот за туризам и угостителство од Охрид, потпишаа Меморандум за соработка со кој треба да се придонесе во развојот на туризмот во Република Македонија.
Целта е да се инволвираат сите значајни чинители кои можат да придонесат за развојот на оваа гранка, изјави директорот на Агенцијата за промоција и развој на туризмот, Зоран Стрезоски.
Тој најави дека соработката со ФТУ Охрид ќе биде преточена во изработка на конкретни проекти кои ќе дадат придонес во креирање на нови регионални туристички пакети и нивна промоција во странство.
Целта е, додаде Стрезоски, најстарата образовна институција од областа на туризмот, ФТУ Охрид, да биде вклучена во едуцирање на туристичките работници кои немаат соодветно образование и да им се помогне на луѓето кои инвестирале во туризмот, а кои не знаат како понатаму. За таа цел ќе се организираат семинари и трибини во повеќе градови, информираше Стрезоски.
Според деканот на ФТУ Охрид, Софроние Миладиноски, потпишаниот меморандум претставува прв чекор во приближувањето на науката и праксата.
Време е за преструктуирање на туристичката политиката. ФТУ Охрид кој има 40 години искуство не може да прави промотивни активности како приватните факултети, но со нашите кадри и знаење може да постигнеме поголеми резултати на планот на креирање на политиките во областа на туризмот, истакна Миладиноски.
Активности на АППТРМ
Директорот на Агенцијата за промоција и поддршка на туризмот на Р.Македонија,за време на одржување на манифестацијата која има туристички карактер -Тиквешкиот гроздобер потпиша меморандум за соработка со Фондацијата Тиквешки вински пат.
Целта на потпишувањето на овај меморандум е заедничка соработка за развој на винскиот туризам во Р.М.Од меморандумот за соработка ќе произлезе програма со активности кои треба да се реализираат.
Ова е дел од програмата на Агенцијата за инкорпорирање на сите субјекти во туризмот со цел да се унапреди туризмот во Република Македонија.
Ве информираме дека на покана на Агенцијата за промоција и поддршка на туризмот на Р.Македонија, а во согласност со програмата за промоција на туризмот, од 15-18 Август во нашата земја ќе престојуваат новинари од националната телевизија на Хрватска ХТВ.
Целта е презентирање на туристичките потенцијали на Македонија пред хрватската јавност, а во фокусот на нивното внимание ќе бидат Крушево, Охрид, Струга и Вевчани.
Воедно агенцијата изразува големо задоволство што според статистичките податоци за месец Јуно 2009 година, бројот на странските туристи е зголемен за 19.7% во однос на истиот месец од 2008 година. Во периодот Јануари-Јуни 2009 година во однос на истиот период од претходната година имаме зголемување на бројот на странските туристи од 9.5%, додека бројот на ноќевања од странски туристи е зголемен за 6.1% во однос на истиот период од претходната година.
Директорот на Агенцијата за поддршка на туризмот на Република Македонија
М-р. Зоран Стрезовски а во согласност со програмата за поддршка на туризмот, беше во посета на хотелско-угостителските
објекти во Струга и Охрид на поединечни состаноци со сопствениците и менаџерите како и со концесионерите на плажите.
Директорот непосредно беше информиран за работата односно за бројот на туристите кои престојуваат во тие објекти, искористеноста на капацитетите,
структурата на гостите како и со сите проблеми со кои се соочуваат при вршењето на нивната дејност.
Сите субјекти нагласија дека искористеноста на нивните капацитети во месеците Мај и Јуни е добра како и дека резервациите за Август и Септември се одлични.
Директорот нагласи дека Агенцијата иим стои на располагање да им помогне во решавање на одредени проблеми се со цел повеќе странски туристи
задоволни да престојуваат во нашата земја.
Концесионерите на плажите се задоволни што цената на закуп останува иста и дека тоа ќе биде мотив за што повеќе вложување
во плажите. АППТРМ ги предупреди да се почитува договорот за концесија односно да оставаат простор од 30% за
оние кои не користат лежалка за што пристигнуваат забелешки од многу граѓани.
Директорот на агенцијата исто така беше во работна посета на Крушево на манифестацијата Крушево Етно град каде беше остварен состанок со организаторите на манифестацијата како и со градоначалникот и Претседателот на Советот на општина Крушево. На состанокот беше дискутирано за активностите кои се преземаат и проблемите кои се појавуваат од аспект на промоцијата и развојот на туризмот. Се разговараше за активностите кои треба да се преземат на локално ниво со цел поголема промоција на Крушево како туристичко место во Македонија. Агенцијата за промоција ќе им помогне во таквите активности и пред се во подршка на манифестацијата Крушево - Етно град се со цел се повеќе странски туристи да го посетат Крушево.
Ве информираме дека Агенцијата за промоција и поддршка на туризмот на Р.Македонија
, во согласност со програмата за промоција на туризмот а со цел зајакнување на туристичкиот бренд на
Македонија во светот за првпат Македонија ја презентираше во најпрестижниот светски магазин за туризам
CNN Traveller magazine изданиеза месец Јули и Август.
CNN Traveller magazine се печати на секои два месеци и се дистрибуира
на сите дистрибутивни мрежи во поголемите градови во Европа, до сите авионски компании низ
светот, до сите членки на Светската туристичка организација, трговски и туристички саеми низ светот како и сите хотели
во Европа, Блиски исток и Африка вклучувајќи ги исто така партнерите на CNN како Hyatt,Marriott,Radisson,Conrad
и други реномирани имиња во хотелскиот бизнис.
Cnn traveller magazine има вкупно 680.000 претплатници низ светот.
Информација
Ве информираме дека на покана на Агенцијата
за промоција и поддршка на туризмот на Р.Македонија а во
согласност со програмата за промоција на туризмот, од 10-16 јули во нашата земја ќе
престојуваат туроператори и новинари од Москва, Русија.
Во делегацијата ќе бидат присутни туроператори
од културниот и винскиот туризам како и новинари од реномираната
телевизиска куќа НТВ.
Воедно во делегацијата ќе биде присутен претставник
од федералната агенција за туризам на руската федерација со која
заедно ќе ја градиме стратегијата за влез и промоција на Македонските
туристички потенцијали на Московскиот туристички пазар за наредната година.
Бројот на туристите во април 2009 година, во однос на април 2008 година, е зголемен за 7.8%, а бројот на ноќевањата е зголемен за 4.9%
Според податоците на Државниот завод за статистика, бројот на туристите во април 2009 година изнесува 33 346, а бројот на ноќевањата изнесува 63 607.
Бројот на домашните туристи во април 2009 година, во однос на април 2008 година, е зголемен за 1.9%, а бројот на странските туристи е зголемен за 12.6%.
Бројот на ноќевањата на домашните туристи во април 2009 година, во однос на април 2008 година, е зголемен за 4.0%, а бројот на ноќевањата на странските туристи е зголемен за 5.5%.
Во периодот јануари- април 2009 година, во однос на истиот период од претходната година, бројот на туристите е зголемен за 6.4% и тоа: кај домашните туристи има зголемување за 4.4%, а кај странските има зголемување за 8.4%.
Во периодот јануари- април 2009 година, во однос на истиот период од претходната година, бројот на ноќевањата е зголемен за 2.3% и тоа: кај домашните туристи има зголемување за 1.4%, а кај странските има зголемување за 3.1%.
Бројот на странските туристи во април 2009 година, во однос на претходниот месец, е зголемен за 11.5%, а бројот на ноќевањата е зголемен за 12.4%.
Макeдонија со билборди ќе привлекува гости од соседството
Македонија ќе постави стотина билборди во и околу главните градови на Албанија, Србија, Словенија и Бугарија на кои земјата ќе се рекламира како привлечна туристичка дестинација. На билбордите ќе биде испишана пораката “Македонија таму каде што сонцето вечно свети“, а ќе бидат претстaвени мотиви од културно - историското и природното богатство на Македонија. Билборди со големина од
4х3, 8х4 и 15х4 метри ќе бидат поставени во Тирана, Софија, Белград и Љубљана,
а кампањата ќе трае еден месец, информираше директорот на Агенцијата за промоција на туризмот, Зоран Стрезоски.
Покрај на билборди, Македонија ќе се рекламира и во повеќе печатени медиуми во соседството, а испечатен е и друг рекламен материјал кој преку амбасадите ќе биде дистрибуиран до турустичките агенции во земјите каде ќе се спроведе кампањата, посочи Стрезоски.
-Очекувам по оваа кампања да се зголеми бројот на странски туристи кои ќе ја посетат Македонија, рече Стрезоски. Тој најави дека Агенцијата за промоција на туризмот со промотивен материјал ќе помогне да се реалзира и идејата за вопсоставување чартер лет од Украина до Македонија.
Во рамки на туристичката промоција на земјата, наскоро на двата аеродроми и на граничните премини ќе бидат
поставени информативни столбови со пропаганден материјал. „На тој начин се надеваме дека ќе ги привлечеме гостите кои транзитираат низ Македонија да се задржат подолго во
нашата земја и да посетат некое од туристичките места или културно историска знаменитост во Македонија“, истакна Стрезоски.
Покрај рекламната кампања, Агенцијата за развој на
туризамот ќе ја продолжи промоцијата на Македонија и преку
посети на туроператори и новинарски екипи на земјата.
Од март до сега во Македонија престојуваа новинарски екипи и
туроператори од Германија, Англија,Турција, Јапонија, Бугарија и Холандија,
информираше Стрезоски. Тој најави дека денеска ќе пристигнат претставници на 11
туроператори од Германија, на 6-ти јуни земјата ќе ја посетат туроператори од Србија,
а од 10-16 јули во Охрид ќе престојуваат туроператори и новинари од Русија.
